Jambylda úsh kúnde 15 esirtki qylmysy anyqtaldy

TARAZ. QazAqparat – «Dopıng» jedel-aldyn alý is-sharasy aıasynda úsh táýlik ishinde Jambyl oblysy Polıtsııa departamentiniń esirtki qylmysyna qarsy is-qımyl basqarmasynyń qyzmetkerleri 25 esirtki tártibin buzý deregin anyqtady, - dep habarlaıdy QazAqparat.

Oblystyq Polıtsııa departamenti baspasóz qyzmetiniń habarlaýynsha, anyqtalǵan 25 derektiń 15-i — qylmystyq is. Onyń ishinde 3-eýi esirtki zattaryn ótkizý, 2-eýi esirtki zattaryn asa iri kólemde saqtaý, 9-y — esirtki, psıhotroptyq zattardy, olardyń analogtaryn ótkizý maqsatynsyz zańsyz paıdalaný jáne 1-eýi paıdalaný tártibin buzý faktileri.

«10 Ákimshilik quqyq buzýshylyq faktisi anyqtaldy. Bul oraıda dárilik zattar, medıtsınalyq maqsattaǵy buıymdar men medıtsınalyq tehnıka aınalymy salasyndaǵy farmatsevtıkalyq qyzmet erejelerin buzý boıynsha 8, esirtki quraldary, psıhotroptyq zattar, prekýrsorlar aınalymy salasyndaǵy obektiler men úı-jaılardyń tehnıkalyq nyǵaıtylý talaptaryn buzý boıynsha 2 fakt tirkeldi» delingen vedomstvo habarlamasynda.

Jalpy, is-shara aıasynda oblys boıynsha 76 dárihana, 20 qoıma, 12 emdeý mekemesi, 10 ónerkásiptik kásiporyn tekserilgen. Sondaı-aq, zańsyz aınalymnan 35 keli marıhýana, 5 keli gashısh, 3 gram geroın esirtki zattary jáne 12 keli kúkirt qyshqylynyń prekýrsorlary, 739 esirtki men psıhotroptyq zattardyń ampýlalary zańsyz aınalymnan shyǵarylǵan. Bul baǵyttaǵy jumys jalǵasýda.