Jambylda úsh eldi mekende órtpen kúres beketteri ashyldy
TARAZ. QazAqparat – Jambyl oblysynyń úsh aýdanyndaǵy aýyldarda órt beketteri ashyldy, dep habarlaıdy QazAqparat tilshisi.
Órt beketteri Shý aýdanynyń Shoqpar aýylynda, Merki aýdanynyń Andas batyr aýyly jáne Baızaq aýdany Túımekent aýylynda ashyldy. Ashylý saltanattaryna aýyl turǵyndary, jergilikti atqarý organdarynyń ókilderi, TJD basshylary, órt sóndirý qyzmetiniń ókilderi qatysty.
«Jyl saıyn órt qaýipti kezeń ishinde bizdiń oblystyń tabıǵı baılyqtary úlken qaýip - qaterge ushyraıdy. Jambyl oblysynyń aýmaǵynda shamamen ósimdikter men janýarlar dúnıesine ekologııalyq zalal keltiretin 200-den astam janý oqıǵalary oryn alýda. Sońǵy kezderi bolǵan órt oqıǵalaryna júrgizilgen taldaý nátıjesi, sondaı – aq olardyń damý dınamıkasy, órttiń úlken aýmaqqa taraýyna órt sóndirý bólimderiniń shalǵaı ornalasýy sebepshi bolyp otyrǵandyǵyn kórsetti. Sonymen qatar osy sebepten de órtti jedel sóndirýge múmkindik bolmaıdy, kóptegen aýyldyq jerlerde órtke qarsy sý júıeleri joq. Osyǵan baılanysty, qazirgi ýaqytta shalǵaı aýyldy jerlerdiń eldi mekenderinde órtke qarsy qorǵanys qurý máselesi óte mańyzdy. Osy oraıda ashylǵan órt beketterine artylar jaýapkershilik zor»,-deıdi oblystyq TJD Іshki jáne syrtqy kommýnıkatsııalar tobynyń bas mamany Aıda Qudaıqul.
Atalǵan 3 aýyldyq mekenderde órt beketin qurý úshin atalǵan aýdan ákimdikterimen 17 mılloın teńgeden astam qarjy bólinip, órt beketiniń shtattyq quramy naqtylandy jáne órt beketi qurylatyn oryn belgilenip, ǵımarat berilgen. Oblys boıynsha taǵy 20-dan astam órt beketi qajet deıdi mamandar.
