Jambylda urlanǵan jylqylar ıelerine qaıtaryldy
TARAZ. QazAqparat – Jambyldyq polıtseıler mal urylaryn qolǵa túsirip, urlanǵan maldardy ıelerine qaıtardy, dep habarlaıdy QazAqparat tilshisi.
23 shildede Baızaq aýdandyq polıtsııa bólimine mal urlyǵy týraly habarlama túsken. Óz aryzynda Keńes aýylynyń 44 jastaǵy turǵyny jylqysyn urlap ketkenin jetkizgen. Nátıjesinde oǵan 300 myń teńge kóleminde shyǵyn kelgen. Urylar kóp uzamaı qolǵa tústi. Bul týraly oblystyq polıtsııa departamenti baspasóz qyzmeti málimedi.
«Jedel izdestirý barysynda Baızaq aýdandyq polıtsııa bóliminiń qyzmetkerleri izin sýytpaı Taraz qalasynyń 37 jáne 32 jastaǵy eki turǵynyn quryqtady. Kúdiktiler óz kinásin moıyndap, Jýaly aýdanynyń turǵynyna jylqy satqanyn aıtty. Urlanǵan jylqy ıesine qaıtaryldy. Osyǵan uqsas jaǵdaı Qumjota aýylynda da oryn alyp, Talas ózeniniń mańynda at urlanǵany habarlanǵan bolatyn. Bul boıynsha osy aýyldyń 33 jáne 32 jastaǵy turǵyndary quryqtalyp, jylqy ıesine qaıtaryldy»,- delingen vedomstvo habarlamasynda.
Qazirgi tańda atalǵan faktiler boıynsha QR QK 188-babynyń 2-bóliginiń 1-tarmaǵy boıynsha sotqa deıingi tergeý amaldary bastaldy.
