Jambylda «Úlgili aýyl» atanǵan Kenen eldimekeni 5 mln teńge jeńip aldy
Jambyl oblysynyń ákimi Berdibek Saparbaevtyv bastamasymen «Úlgili aýyl» óńirlik baıqaýy jarııalanyp, oǵan ár aýdannan úlgilige úmitti aýyldary qatysqan bolatyn.
Aýyl ekonomıkasynyń ósýi, turǵyndarynyń yntymaǵy men birligi, jastardyń bilimi men tártibi, aýyl tazalyǵy men mádenıeti, buqaralyq sporttyń damýy, aýyl jurtynyń bos ýaqytyn tıimdi paıdalanýy men aqsaqaldardyń belsendiligi synǵa túsken baıqaý qorytyndysy boıynsha Qordaı aýdanyndaǵy Kenen aýyly úzdik shyǵyp, birinshi oryndy ıelendi.
Úzdikke úmitkerlerdi oblystaǵy barlyq aýdanda arnaıy qurylǵan jumysshy top osydan biraz ýaqyt buryn aralap, ózara ekshelegen edi.
Baıqaý aıasynda arnaıy qurylǵan jumysshy toptyń qorytyndy hattamasyna sáıkes jeńimpazdy oblys ákiminiń orynbasary Erlan Jylqybaev atap ótip, birinshi oryndy ıelengen aýyldy jáne ózge de júldeger atanǵan okrýgterdi QR Tuńǵysh Prezıdenti kúnine oraı marapattaýdy uıymdastyrýshylarǵa tapsyrdy.
Aıta keterligi, birinshi orynnyń júlde qory - 5 mıllıon teńge.
Kenende aýyl turǵyndaryna qajettiniń bári bar. Salynǵanyna kóp bolmaǵan sý jańa eki qabatty mektep, kózdiń jaýyn alatyn aýyldyq mádenıet úıi. Balalardyń bos ýaqytyn tıimdi paıdalaný maqsatynda iske qosylǵan balalar men jasóspirimder shyǵarmashylyq ortalyǵy.
Sport alańdary men jańa salynǵan aýyldyq ambýlatorııa jáne aqyn atanyń murajaıy taǵy bar.
Kóp uzamaı kenendikter «kógildir otynnyń» qyzyǵyn kórmek. Búginde gazdyń aýylishilik jelileri tartylyp tastalǵan. Sondaı-aq, jańa aýyz sý júıesi júrgizilýde.
Sal-serilerdiń sońǵy tuıaǵy sanalatyn Kenen Ázirbaevtyń murajaıyna elimizdiń ár aımaǵynan saıahattap kelýshiler kóp.
Aýylda sý jańa dárigerlik ambýlatorııa, «Erkem-aı» men «Altyn besik» atty balabaqsha jumys jasaıdy.
