Jambylda TJ talaptaryn buzyp, balyq aýlaǵandar ustaldy
TARAZ. QazAqparat – Jambyl oblysynda tótenshe jaǵdaı talaptaryn buzyp, balyq aýlaǵan onnan astam tulǵa anyqtaldy, dep habarlaıdy QazAqparat.
Tótenshe jaǵdaıǵa baılanysty salynǵan tyıymǵa qaramastan, polıtsııa qyzmetkerleri aýdandyq ańshylyq sharýashylyǵy qoryqshylarymen birlese otyryp arnaıy reıd júrgizip, ondaǵan zańbuzýshyny anyqtady. Bul týraly oblystyq polıtsııa departamentiniń baspasóz qyzmeti habarlady
Kóktemde balyq aýlaýshylar, tabıǵat aıasynda demalýshylardyń qatary kúrt kóbeıedi. Alaıda, qazirgi ýaqytta tótenshe jaǵdaıdyń engizilýine baılanysty balyq aýlaýǵa jáne tabıǵatta demalýǵa tyıym salynǵan, al ruqsatsyz balyq aýlaýshylar jazaǵa tartylady.
«Jýaly aýdanynyń Teris-Aşybulaq sý qoımasynda eki áýesqoı balyqshy ustaldy. Osy sekildi Shý ózeninde Moıynqum aýdanynyń úsh turǵyny TJ rejımin buzǵan. Merki aýdanynda tyıym salynǵan demalys pen balyq aýlaýdyń segiz faktisi tirkeldi. Olarǵa qatań eskertý jasalyp, 27 780 teńge kóleminde aıyppul salyndy» delingen vedomstvo habarlamasynda.
Barlyq quqyq buzýshylar QR ÁQBtK 383-babynyń 1-bóligi boıynsha ákimshilik jaýapkershilikke tartyldy.
Aıta keteıik, jyl basynan beri janýarlar dúnıesin paıdalaný talaptaryn buzǵany úshin 209 ákimshilik quqyq buzý jáne 6 qylmystyq quqyq buzý faktisi tirkelgen.
