Jambylda «Týǵan jer» baǵdarlamasymen 52 joba júzege asyryldy

TARAZ. QazAqparat – Jambyl oblysynda jyl basynan beri «Týǵan jer» baǵdarlamasy boıynsha 52 joba júzege asty. Oǵan jergilikti metsenattar 800 mln teńgeden astam qarjy jumsaǵan, dep habarlaıdy QazAqparat.

Baǵdarlama aıasynda týǵan jerine tartý jasaǵan kásipkerler sany boıynsha oblystyń Jambyl, Talas jáne Turar Rysqulov aýdanynyń atymtaı jomarttary kósh bastap tur.

«Metsenattardyń kómegimen az qamtamasyz etilgen otbasylaryna 2 páter syılandy. Jáne kásipqoı bokstan álem chempıony 2 múgedek bala tárbıelep otyrǵan otbasyna avtomobıl kóligin syıǵa tartty. Sondaı-aq, Taraz qalasyndaǵy eki aleıa kásipkerler kómegimen jóndelip, el ıgiligine berildi. Búginde ol saıabaqtar qala turǵyndary jıi baratyn orynǵa aınaldy»,- deıdi Taraz qalasy ákiminiń keńesshisi Gúlbahram Dúısekova.