Jambylda toı kortejinde tártip buzǵan jastar 265 myń teńge aıyppul tóleıdi

TARAZ. QazAqparat - Jambyl oblysynda toıdaǵy kólik kortejine qatysqandar jaýapkershilikke tartyldy, dep habarlaıdy QazAqparat polıtsııaǵa silteme jasap.

Jambyl oblystyq PD qyzmetkerleri áleýmettik jelilerdi monıtorıngteý barysynda Baızaq aýdanynyń Sarykemer aýylynda toı saltanatynyń sherýinde kólik kortejiniń qatysýshylary jasaǵan zańsyz manevrlerdi anyqtady.

Beınematerıaldy zerdeleý barysynda mynadaı jol erejesin buzý derekteri tirkeldi: zańsyz ornatylǵan qyzyl-kók tústi jaryq sıgnaldary, memlekettik tirkeý nómiriniń bolmaýy, kólik terezesi men lıýkten basy men qolyn syrtqa shyǵaryp otyrǵan jastar, dreıf jáne t. b.

Polıtseıler oqıǵanyń búkil qatysýshylaryn anyqtady. Quqyq buzýshylardyń jasy - 22-27 aralyǵynda.

Máselen, «Lada 21703» jáne «BMW 530» markaly kólik ıeleri QR ÁQBtK 590-baby 9-bóliginiń, 230-baby 2-bóliginiń, 596-baby 2-bóliginiń, 630-babynyń 1-bóligi boıynsha ákimshilik jaýapkershilikke tartyldy.

Sondaı-aq kodekstiń 593-babynyń 1-bólimi boıynsha «BMW 525» júrgizýshisine jáne 603-babynyń 2-bólimi boıynsha «Toyota Camry» ıesine ákimshilik hattama toltyryldy.

Kólikke arnaıy jaryq sıgnaldaryn zańsyz ornatý jáne qarsy qozǵalys jolaǵyna shyǵý faktileri boıynsha is materıaldary ákimshilik sotqa jiberildi.

Kólikter aıyp turaǵyna qoıyldy. Tártip buzýshylarǵa jalpy somasy 265 myń 650 teńge kóleminde aıyppul salyndy.