Jambylda terrorıstik turǵydan osal nysandar tekserilýde

TARAZ. QazAqparat – Jambyl oblysynyń Polıtsııa departamenti terrorıstik turǵydan osal nysandarǵa qatysty únemi tekserý jumystaryn júzege asyrýda, dep habarlaıdy QazAqparat.

Sondaı-aq, ekstremızmge qarsy is-qımyl bólinisteriniń qyzmetkerleri turaqty negizde osy nysandardyń qyzmetkerlerin turǵyn-jaılardy tekserý tehnıkasyna oqytyp, jarylys qurylǵylaryn qaldyryp ketý múmkin bolatyn oryndardy anyqtaý boıynsha aldyn alý is-sharalaryn uıymdastyrýda. Bul týraly atalǵan departamenttiń baspasóz qyzmeti habarlady.

«Qazaqstan Respýblıkasynyń 1999 jylǵy 13 shildedegi «Terrorızmge qarsy is-qımyl týraly» № 416-І Zańynyń talaptaryn saqtaý maqsatynda terrorıstik turǵydan osal nysandardyń basshylaryn, bıznes ókilderin shaqyra otyryp brıfıngter ótkizýde. Aǵymdaǵy jyldyń basynan beri QR ÁQBtK-niń 149-baby boıynsha terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaý jáne nemese tıisinshe oryndamaý ákimshilik jaýapkershilikke 20 nysan basshysy tartylyp, olarǵa qatysty 1,5 mıllıon teńgeden astam aıyppul salyndy»,-delingen habarlamada.