Jambylda segiz jasar qyz joǵalyp ketti
TARAZ. QazAqparat - Jambyl oblysynyń Talas aýdanynda segiz jasar qyz joǵalyp ketti, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Aıta keteıik, 24 sáýirde Qarataý qalasynyń turǵyny Talas aýdandyq polıtsııa bólimine segiz jasar qyzynyń balalar óner mektebindegi sabaǵynan keıin úıine oralmaǵany týraly aryzdanǵan.
Polıtsııa dereý izdestirý jumystaryna kiristi. Joǵalǵan qyz týraly aqparat barlyq qalalyq, aýdandyq polıtsııa bólimderine jáne elimizdiń basqa oblystaryna jiberildi. Vedomstvonyń málimdeýinshe, jedel-izdestirý toptary balany Qarataý qalasynyń barlyq jerinen izdegen. Іzdeý jumystaryna polıtsııa, tótenshe jaǵdaı qyzmetkerleri, muǵalimder men eriktilerden quralǵan 70-ten astam adam tartyldy.
Belgilisi, 2010 jylǵy Arýaıdy bımen shuǵyldanýǵa únemi atasy aparyp júrgen, alaıda dál sol kúni ol úıine jalǵyz qaıtqan.
«Búgin saǵat 11.00-der shamasynda kámeletke tolmaǵan Arýaıdy izdestirý barysynda Qarataý qalasynyń shetki aýdanynan belgisiz órtengen máıit tabyldy. Máıittiń tulǵasyn anyqtaý úshin barlyq qajetti saraptamalar taǵaıyndaldy, sotqa deıingi tergeý amaldary bastaldy. Kıimniń qıqymdary boıynsha joǵalǵan qyzdyń anasy bul Arýaıdyń kıimi dep boljam jasap otyr», - delingen baspasóz qyzmetiniń xabarlamasynda.
Oqıǵaǵa qatysty shuǵyl pikir bildirgen oblystyq polıtsııa departamentiniń basshysy bul jaǵdaı tolyǵymen Іshki ister mınıstri Erlan Turǵymbaevtyń jáne Jambyl oblysynyń ákimi Asqar Myrzahmetovtiń tikeleı baqylaýynda ekenin málim etti.
Alaıda izdestirý jumystary áli toqtatylǵan joq. Polıtsııa departamenti joǵalǵan Arýaıǵa qatysty málimet biletinder bolsa 8 (726 44) 6-08-28, 6-05-66, 6-29-16 nemese 102 telefondary boıynsha habarlasýyn suraıdy.
