Jambylda salyqqa qaryzy bar azamattardyń tizimi jarııalandy

NUR-SULTAN. QazAqparat – Jambyl oblysy boıynsha Memlekettik kirister departamenti salyqqa bereshegi bar azamattardyń tizimin jarııalady. Tizimde boryshy jarty mıllıonnan asyp ketken azamattar da bar, dep habarlaıdy QazAqparat tilshisi departamenttiń baspasóz qyzmetine silteme jasap.

«Salyq mindettemelerin ýaqtyly oryndaý úshin jeke tulǵalardyń mekenjaılaryna eseptelgen salyq somasy kórsetilgen habarlamalar aldyna ala joldanady. Al jeke tulǵa óziniń salyq bereshegin ótemese, mindetti túrde májbúrlep alý sharalary qoldanylady. QR Salyq kodeksiniń 128-babyna sáıkes, salyq jınaýdy májbúrlep oryndaýdyń nysandarynyń biri - salyq buıryqtaryn shyǵarý. ıAǵnı, belgilengen jeke tulǵaǵa salyq mindettemelerin oryndaý úshin arnaıy merzim belgilenedi», - delingen habarlamada.

Jeke tulǵaǵa salyq bereshegin jabý úshin salyqtyq buıryǵyn bergen kúnnen bastap 5 jumys kúni beriledi. Keshiktirgen jaǵdaıda salyqtyq sot oryndaýshylarǵa joldanady. Budan keıin, sol tulǵaǵa qatysty sot oryndaýshylar tyıym salý sharalaryn qoldanýǵa quqyly. Atap aıtqanda QR aýmaǵynan shetelge shyǵýǵa tyıym salý, banktik shottardy jabý jáne basqa da QR zańdylyǵymen kórsetilgen is-sharalar qoldanylady.

QR Salyq kodeksiniń 127-babyn basshylyqqa ala otyryp, Jambyl oblysy boıynsha Memlekettik kirister departamenti búgingi kúnnen bastap tórt aıdan asqan salyq bereshegi bar salyq tóleýshilerdiń tizimin jarııalaýdy bastady.

Olar:

Nýrmatova Gýlnara Dýanovna. Taraz q. Salyqtyq bereshegi - 559319 teńge;

Qalııakbarov Baqyt Kameluly. Taraz q. salyqtyq bereshegi - 513992 teńge;

Gýlmatov Bahtııar Djoraıuly. Taraz q. salyqtyq bereshegi - 295800 teńge;

Mýmınova Hýra Habırovna. Taraz q. salyqtyq bereshegi 333946 teńge;

Qabashev Batyrhan. Taraz q. salyqtyq bereshegi - 173850 teńge.

«Jambyl oblysy boıynsha Memlekettik kirister departamenti, Jambyl oblysynyń barlyq turǵyndaryna ótip jatqan salyqtyq raqymshylyǵyn paıdalanyp, ózderiniń salyqtar boıynsha bereshekterin tóleýge shaqyrady. Aıta ketý kerek, elimizdiń barlyq aımaqtaryndaǵy salyqtyq bereshegi bar azamattar tizimi aldaǵy ýaqytta da jarııalanatyn bolady», - dep atap ótti Memlekettik kirister komıtetiniń baspasóz qyzmetinde.

Salyq tóleýshiler boryshynyń bar-joǵyn Memlekettik kirister komıtetiniń saıtynda nemese myna silteme boıynsha teksere alady.