Jambylda poıyz astyna túsip mert bolǵan 2 jumysshynyń otbasyna kómek kórsetiledi
NUR-SULTAN. QazAqparat - Jambyl oblysynda poıyz astyna túsip mert bolǵan jumysshylardyń otbasyna kómek kórsetiledi. Bul týraly «Qazaqstan temir joly» UK Qazynashylyq departamentiniń dırektory - qarjylyq baqylaýshysy Sholpan Omarbekova aıtty, dep habarlaıdy QazAqparat tilshisi.
«Bul másele qazirgi ýaqytta zerdelenip jatyr. Kompanııada jáne jalpy salada qabyldanǵan erejeler men qujattarda belgilengen tártippen sheshim qabyldanady. Negizinde kompanııa qozǵalys qaýipsizdigine erekshe mán beredi. Munan bólek, óz qyzmetkerlerine jáne temir jolmen tyǵyz baılanysty óńirdiń klımatyn qoldaýǵa aıryqsha nazar aýdarady. Sondyqtan kompanııa qoldaý úshin barlyq sharalardy qabyldaıdy», - dedi ol búgin Ortalyq kommýnıkatsııalar qyzmetindegi baspasóz máslıhatynda BAQ ókilderiniń temir jol boıynda 2 temirjolshynyń qaza tabýyna qatysty saýalǵa jaýap bere kele.
Esterińizge sala ketsek, Jambyl oblysynyń Bel stantsııasyna jaqyn mańda temirjoldyń boıynda júrgen jumysshylardy «Almaty-Aqtóbe» baǵytyna qatynaıtyn jolaýshylar poıyzy qaǵyp ketti. Saldarynan temirjolshylar alǵan jaraqatynan sol jerde kóz jumdy.
