Jambylda orys tili muǵalimi 2 jyl boıy jalǵan dıplommen sabaq berip kelgen

JAMBYL OBLYSY. QazAqparat - Jambyl oblysy Turar Rysqulov aýdanynyń prokýratýrasy orta mekteptiń orys tili muǵaliminiń jalǵan dıplommen 2 jyl boıy bilim berip kelgenin anyqtady. Bul jaıynda oblystyq prokýratýraǵa silteme jasap QazAqparat habarlaıdy.

Osy jylǵy 15 qazandaǵy sot úkimimen atalǵan adam jalǵan dıplomdy paıdalanǵany úshin 80 saǵatqa sottalyp, memleket kirisine 1 mln teńgeden astam zalal óndirildi.

«Aýdan prokýratýrasy QR zańdaryn buzbaýǵa shaqyrady. Al eger siz osyndaı jaǵdaılarǵa kýá bolsańyz, azamattyq bastama kóterip, quqyq qorǵaý organdaryna habarlańyz. Óıtkeni, bizdiń balalarymyzdyń bolashaǵy bilim sapasyna baılanysty» delingen habarlamada.