Jambylda oblystyq mańyzy bar 230 shaqyrym jol jóndeledi
Búgingi tańda Jambyl oblysyn «Almaty – Ekaterınbýrg» tasjolymen baılanystyratyn oblystyq mańyzy bar «Lýgovaıa stantsııasy – Qoraǵaty – Tátti» avtomobıl jolynyń ýchaskesin ortasha jóndeý boıynsha joba iske asyrylyp jatyr. Jumystar jol tósemin qalpyna keltirý jáne qaýipsiz qozǵalysty qamtamasyz etýge baǵyttalǵan keshendi-maqsatty baǵdarlama sheńberinde júrgizilýde.
Sonymen birge baǵdarlama aıasynda 1700 metrde qorshaý ornatý jáne jóndeý jumystary júrgizilip, myńǵa jýyq dabyl baǵanasy ornatylmaq. Kılometrlik kórsetkishter, katafottar men jol býferleri halyq ıgiligine paıdalanýga berilgen.
Ortasha jóndeý jumystary aıasynda Taraz qalasy men Jetibaı, Tegistik, Oıyq, Aqsholaq eldi-mekenderin baılanystyratyn 88 shaqyrym avtojolda da jóndeý jumystary júrgizilýde.
Aıta keterligi, týrızm óńirdi damytýdaǵy basym baǵyttardyń biri bolyp tabylady. Osy rette ıÝNESKO tizimindegi ejelgi Balasaǵun qalasy baǵytynda jol qurylysy júrgizilýde. Sondaı-aq, Áýlıebastaý jáne Berikqara týrıstik oryndaryna aparatyn oblystyq mańyzy bar «Kúıik – Qarabastaý – Qarataý – Saýdakent» jolynyń 30 shaqyrymynda ortasha jóndeý jumystary júrip jatyr.
Budan bólek Merke jáne Jýaly aýdandarynyń birqatar aýyldaryn «Batys Eýropa – Batys Qytaı» kólik dálizimen baılanystyratyn 23 shaqyrym avtojolǵa jóndeý jumystary jalǵasýda.
Júrgiziletin jumystardyń sapasy tapsyrys berýshiniń, tehnıkalyq qadaǵalaý qyzmeti men «Jol aktıvteriniń ulttyq sapa ortalyǵy» RMK-nyń turaqty baqylaýynda. Atqarylǵan jumystardyń nátıjesinde Jambyl oblysyndaǵy normatıvtik jaǵdaıdaǵy joldardyń úlesi 97%-ǵa deıin artady dep kútilýde.
