Jambylda naýqastarmen jaqyn baılanysta bolǵan 400-den asa adam oqshaýlanǵan
TARAZ. QazAqparat – Jambyl oblysy boıynsha koronaývırýstyq ınfektsııa juqtyrǵandarmen jaqyn baılanysta bolǵan 400-den asa adam oqshaýlanǵan, - dep habarlaıdy QazAqparat.
Bul týraly óńirlik kommýnıkatsııalar qyzmetiniń alańynda ótken brıfıngte Jambyl oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekov habarlady.
«Oblys aýmaǵynda árbir COVID-19 jaǵdaıyna mindetti epıdemıologııalyq tekserý júrgiziledi. Oblys boıynsha ınfektsııa oshaqtarynda 606 qarym qatynasta bolǵan adam anyqtaldy, onyń ishinde 404 jaqyn jáne 202 yqtımal baılanysta bolǵandar. Qarym qatynasta bolǵan adamdardy oqshaýlaýǵa, sondaı-aq karantın jaǵdaıynda epıdemııaǵa qarsy rejımniń saqtalýyna baqylaý júrgiziledi. Barlyq jaqyn qarym qatynasta bolǵan adamdar karantındik statsıonarda oqshaýlanǵan, al yqtımal baılanysta bolǵan adamdar kúndelikti medıtsınalyq baqylaýda bolady»,-deıdi departament basshysy.
Sondaı-aq, atalǵan brıfıngte oblysta sońǵy táýlikte tirkelgen 3 jańa koronavırýsty ınfektsııa jaǵdaıy týraly aıtyldy. Úsh naýqastyń ekeýi Jambyl aýdanynan, bireýi Qordaı aýdanynyń turǵynynan anqytalǵan.
Aıta keteıi, 14 sáýirdegi jaǵdaı boıynsha Jambyl oblysy aýmaǵynda 49 koronavırýstyq ınfektsııa jaǵdaıy tirkelgen. 3 naýqas aýrýhanadan saýyǵyp shyǵaryldy, ári qaraı 14 kúnge úı jaǵdaıynda karantındik baqylaýda.
Qazirgi tańda ınfektsııalyq statsıonarda 43 naýqas, provızorlyq statsıonarda 24 naýqas emdelýde.
