Jambylda «Meniń anam – polıtseı» atty erekshe baıqaý ótti
TARAZ. QazAqparat – Jambyl oblysynda «Meniń anam-polıtseı» atty balalar sýretteriniń baıqaýy márege jetti,- dep habarlaıdy QazAqparat tilshisi.
Jambyl oblysy Polıtsııa departamentiniń basshylyǵy 8 naýryz – Halyqaralyq áıelder kúni qarsańynda ishki ister organdary qyzmetkerleriniń balalary arasynda «Meniń anam – polıtseı» taqyrybynda sýretter baıqaýyn ótkizdi. Baıqaýǵa Jambyl oblysynyń PD qyzmetkerleriniń 5-12 jas aralyǵyndaǵy 20-dan astam balal qatysty. Oqýshylar jumysty vatmane, karton, kenep sekildi ár túrli materıaldarda oryndap, sýretti qaryndash, gýash, akvarelmen salǵan.
Qazylar alqasy jeńimpazdardy sýrettiń mazmuny, taqyrypqa sáıkestigi jáne oryndaý sheberligi boıynsha anyqtady.
Merki aýdanynyń polıtsııa bólimi ıývenaldy polıtsııa tobynyń aǵa ınspektory Dınara Omarovanyń uly Nurjan Rashıd, Jambyl APB ıývenaldy polıtsııa tobynyń aǵa ınspektory, polıtsııa maıorlary Naýryzgúl Jumkınanyń qyzy Arýjan Bahtybek pen Aqnur Pirimqulovanyń Radmır Janbolatulynyń analarynyń jumys kúnderin beınelegen sýretteri jas sanattary boıynsha úzdik dep tanyldy.
Sondaı-aq, Jambyl oblysynyń polıtsııa departamentiniń Іshki jáne syrtqy kommýnıkatsııalar bóliminiń arnaıy syılyǵyna ıe bolǵan Taraz qalalyq PB 2-PB ákimshilik polıtsııa bóliminiń ákimshilik praktıka tobynyń aǵa ınspektory polıtsııa maıory Roza Tólepbergenovanyń uly Aısultan Toqashtyń sýreti de mazmundylyǵy jaǵynan aıshyqtala tústi.
Jeńimpazdar Halyqaralyq áıelder kúnine arnalǵan saltanatty is-sharada marapattaldy.
