Jambylda medıtsınalyq ortalyqta sybaılas jemqorlyq faktileri anyqtaldy
«Azamattarǵa arnalǵan úkimet» memlekettik korporatsııasy «Prof Med» JShS medıtsınalyq ortalyǵynda aldymen əleýmettik saýalnama ótkizgen.
Saýalnama nátıjesi boıynsha medortalyqtyń sybaılas jemqorlyqqa 56% jaqyn ekendigi anyqtaldy. Budan keıin júrgizýshi kýəligin alýǵa medıtsınalyq anyqtama úshin «Qupııa satyp alýshy» tásilimen is-sharalar ótkizildi.
Nətıjesinde medortalyqtyń dáriger-okýlısi kózi nashar kóretinin jetkizgen azamattan 1000 (bir myń) teńge syıaqy alý arqyly oǵan oń qorytyndy shyǵaryp bergen.
Sondaı-aq, oblystyq psıhonevrologııalyq dıspanser qyzmetkeri de osyndaı áreketterge barǵan. Ol tekserilýshiniń qatysýynsyz 1000 teńge (bir myń) kólemindegi aqshalaı syıaqyǵa psıhologııalyq test blankisin óz qolymen toltyryp bergen.
Aıta keterligi, monıtorıng nátıjesinde medortalyqtyń memlekettik mekeme emestigi jáne onda memlekettiń qatysý úlesi joqtyǵy belgili boldy. Osyǵan baılanysty, atalǵan faktiler jónindegi materıaldar tıisti sharalar qabyldaý úshin Jambyl oblysynyń quzyrly organdaryna joldandy.