Jambylda mashına ishinde 2 jasar bala janyp ketti
TARAZ. QazAqparat - Jambyl aýdanynda qaıǵyly oqıǵa boldy, dep habarlaıdy «QazAqparat» HAA tilshisi Jambyl oblystyq TJD-nyń baspasóz qyzmetine silteme jasap.
«18 maýsym kúni 11:30-da Ernazar aýylynda jeke turǵyn úıdiń aýlasynda «VAZ-2105» markaly avtomashınadan órt shyqqan. Órt shyqqan mashınadan denesiniń 90 paıyzy kúıik shalǵan 2 jasar qyz qutqarylyp, Taraz qalasyndaǵy №2 aýrýhanasyna jetkizildi. Alaıda sábı emhanada kóz jumdy», - delingen baspasóz baıanynda.
Vedomstvo habarlaǵandaı, órt qatysýshy taraptyń óz kúshterimen sóndirgen, órt sóndirý qyzmetine órt týraly aqparat túspegen.
Kýágerlerdiń aıtýynsha, búldirshin qyz ata-anasynyń qaraýynsyz bolǵan jáne mashınada sirińke jaǵyp oınap otyrǵan. Qaıǵyly oqıǵaǵa baılanysty tergeý amaldary júrgizilýde.
