Jambylda marıhýana saqtaǵan 55 jastaǵy er adam ustaldy

TARAZ. QazAqparat - Jambyl oblysynyń PD Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn uıymdastyrdy, dep habarlaıdy QazAqparat.

Resmı málimetterge qaraǵanda, Teıa atty qyzmettik-izdestirý ıtin paıdalanyp, ustalǵan azamattyń turǵylyqty jerin tintý barysynda úıdiń shatyrynan jalpy salmaǵy 9 keli 13 gr bolatyn keptirilgen marıhýana tabyldy.

Ustalǵan adam kinásin moıyndady.

«QK 296-babynyń 4-bóligimen «Asa iri mólsherde esirtki quraldaryn zańsyz saqtaý» jáne 297-babynyń 3- bóligi «Asa iri mólsherde esirtki zattaryn ótkizý maqsatynda zańsyz saqtaý» boıynsha sotqa deıingi tergeý amaldary bastaldy», - dep habarlady basqarma bastyǵy Álim Bajyqbaev.