Jambylda marıhýana daıyndap, satyp kelgen 53 jastaǵy turǵyn ustaldy

TARAZ. QazAqparat – Jambyldyq polıtseıler esirtki satty degen kúdikpen er adamdy qolǵa túsirdi, dep habarlaıdy QazAqparat tilshisi.

Jambyl oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerleri jedel izdestirý sharalaryn júrgizýde.

Shara barysynda marıhýana ótkizbek bolǵan Talas aýdanynyń 53 jastaǵy turǵyny ustaldy. Bul týraly atalǵan departamenttiń baspasóz qyzmeti habarlady.

Kúdikti uzaq ýaqyt boıy Qazaqstan Respýblıkasynyń batys aımaqtaryna satý úshin marıhýana daıyndaýmen aınalysqan.

«QR QK 297-baby 2-bóligi boıynsha sotqa deıingi tergeý amaldary bastaldy. Ustalǵan azamat kinásin moıyndap, Jambyl aýdanynyń ýaqytsha ızolıatoryna qamaqqa alyndy» delingen vedomstvo habarlamasynda.