Jambylda qyzylshamen aýyrǵandardyń sany 40-tan asty
TARAZ. QazAqparat - Óńirde qyzylsha dertin juqtyrǵandardyń deni ekpe alýdan bas tartqandar men 14 jasqa deıingi balalar, dep habarlaıdy QazAqparat.
Búgingi tańda naýqastar aýrýhanada em-dom alýda. Sondaı-aq, ınfektsııa oshaqtarynda bolǵan 357 adamǵa qosymsha ekpe salynǵan.
Oblystyq qoǵamdyq densaýlyq saqtaý departamenti basshysynyń orynbasary Kúmisbek Rahımov óńirdiń ár aýmaǵynda Qoǵamdyq densaýlyq saqtaý departamentiniń qyzmetkerlerimen aýrýdyń kúndelikti monıtorıngi júrgizilýde.
«Eger balalaryńyzdyń ımmýndyq statýsy belgisiz bolǵan jaǵdaıda, olardy qoǵamdyq oıyn ortalaryna alyp barýdy shekteý qoıǵan durys, balalaryńyz ýaqtyly vaktsına almaǵan jaǵdaıda epıdemıologııalyq jaǵdaıdy eskere otyryp, mindetti túrde vaktsına alýǵa shaqyramyz» -deıdi K.Rahımov.
Aıta ketý kerek, oblysta 2018 jyly josparly túrde bir jasqa deıingi 23 myń balaǵa, alty jasqa deıingi 25 myń balaǵa dári egilgen. Al, aǵymdaǵy jyldyńjyldyń qańtar aıynda 1 jasqa deıingi jáne alty jastaǵy 3 myńǵa jýyq balaǵa qyzylshaǵa qarsy ekpe egilgen.
