Jambylda qyzmettik ıttiń kómegimen iri kólemde esirtki tárkilendi
«Qarasora-2021» respýblıkalyq jedel aldyn alý is-sharasy barysynda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri «Shý-Qordaı» jolynda «Aýdı» markaly avtokóligin toqtatqan.
Qordaı aýylynyń úsh turǵynynyń kóligin tintý barysynda polıtseıler «TEıA» atty qyzmettik ıttiń kómegimen jalpy salmaǵy 16 keli 550 gramm «marıhýana» esirtki zaty salynǵan 2 qapty tapty.
Sondaı-aq, sol kúni «Shý-Qordaı» jolynda polıtsııa qyzmetkerleri «Toıota» markaly kóligin toqtatty. Taraz qalasy turǵyndarynyń kóligin tintý barysynda jalpy salmaǵy 206 gramnan asatyn «gashısh» esirtkisi salynǵan polıetılen paket tabylyp, tárkilendi.
«Atalǵan derekke qatysty Qazaqstan Respýblıkasy Qylmystyq kodeksiniń 296-baby 4-bóligi (Esirtki quraldaryn asa iri kólemde zańsyz saqtaý) boıynsha sotqa deıingi tergeý amaldary bastaldy. Atalǵan qylmysty jasaǵany úshin 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵan», - dep atap kórsetti Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy polıtsııa polkovnıgi Asqar Jumabekov.
Ustalǵan azamattar kinásin moıyndap, ýaqytsha ustaý ızolıatoryna qamaqqa alyndy.