Jambylda qyzmettik ıt blokposttan ótpek bolǵan júrgizýshiden esirtki tapty

TARAZ. QazAqparat – Jambyl oblysy Jambyl aýdany Jalpaq tóbe aýylynyń mańynda polıtsııa qyzmetkerleri 35 jasar er adamdy ustady, dep habarlaıdy QazAqparat.

Qolǵa túsken kólik júrgizýshisi blokposttan esirtki ótkizbek bolǵan. Bul týraly oblystyq polıtsııa departamentiniń baspasóz qyzmeti málim etti.

«Atalǵan aýyl mańyndaǵy blokpostta oblystyq polıtsııa departamentiniń jergilikti polıtsııa qyzmeti jáne esirtki qylmysyna qarsy is-qımyl basqarmasynyń qyzmetkerleri «Aýdı-100« markaly avtokóligin toqtatyp, tekserý barysynda qyzmettik ıt júrgizýshi kúrtesiniń ishki qaltasynan esirtki zatyn tapty»,- delingen vedomostvo habarlamasynda.

Sot-hımııalyq saraptamanyń qorytyndysyna sáıkes, tárkilengen zattyń marıhýana ekendigi belgili boldy. Ustalǵan azamat óz kinásin tolyq moıyndaǵan. Qazirgi tańda QR QK 296-baby 2-bóligi boıinsha sotqa deıingi tergeý bastaldy.