Jambylda quny 114 mıllıard teńge bolatyn 18 ınvestıtsııalyq joba iske asady

TARAZ. QazAqparat- Jambyl oblysynda jalpy quny 114 mıllıard teńge bolatyn 18 ınvestıtsııalyq jobany iske asyrý josparlanýda, dep habarlaıdy QazAqparat.

Bul týraly oblys ákimi Berdibek Saparbaev halyqpen esepti kezdesýinde atap ótip, tıimdi ınvestıtsııalyq saıasat aǵymdaǵy jyldyń qorytyndysy boıynsha ónerkásiptiń 5 paıyzdyq ósimin qamtamasyz etýge múmkindik beretinin jetkizdi.

Eń úlken qýatty jobalardy «Evrohım mıneraldy tyńaıtqyshtar», «Qazfosfat», «Qazaq soda», «KORSEM» jáne «TALAS INVESTMENT COMPANY» kompanııalary júzege asyrady.

«2025 jylǵa deıin jalpy quny 2,7 trıllıon teńge bolatyn 66 joba iske asyrylady, sol arqyly 11,4 myń jańa jumys ornyn qurý kózdelýde», - dep atap ótti oblys ákimi.

Jergilikti bıliktiń kún tártibinde «Taraz «Hımpark« arnaıy ekonomıkalyq aımaǵyn damytý mindeti tur, ony sheshý úshin jeti jobany iske asyrýǵa 648,3 mıllıard teńge kóleminde ınvestıtsııa tartylady, bul eki myńnan astam jańa jumys ornyn ashýǵa múmkindik beredi.

Óńdeýshi ónerkásipti damytý maqsatynda 12 kásiporyn jańǵyrtylady, taǵy tórteýi zamanaýı ınnovatsııalyq tehnologııalar engizedi.