Jambylda kóshi-qon zańnamasyn buzǵan 20 sheteldik jaýapkershilikke tartyldy
TARAZ. QazAqparat – Jambyl oblysynda eki kún ishinde 20 sheteldik azamat ákimshilik jaýapkershilikke tartyldy, dep habarlaıdy QazAqparat tilshisi.
«Mıgrant» jedel-aldyn alý is-sharasy barasynda uzaq ýaqyt oblys aýmaǵynda zańsyz júrgen shetel azamattary, sondaı-aq jol júrý bıletin satyp alýda qarjylyq qıyndyqqa tap bolǵan shetel azamattary anyqtaldy.
«Eki kún ishinde kóshi-qon zańnamasyn buzǵany úshin 20 sheteldik azamat ákimshilik jaýapkershilikke tartyldy. Al, oblys aýmaǵynda sheteldikterdi qabyldaýda Qazaqstan Respýblıkasynyń kóshi-qon zańnamasyn buzǵany úshin 45 el azamaty ákimshilik jaýapkershilikke tartyldy», - delingen Jambyl oblystyq polıtsııa departamentiniń habarlamasynda.
