Jambylda koronavırýsty juqtyrǵan adammen baılanysta bolǵandar karantınge alyndy
TARAZ. QazAqparat - Jambyl oblysynda koronavırýs ınfektsııasyn juqtyrýdyń alǵashqy deregi tirkelip, naýqaspen baılanysta bolǵan barlyq adam karantınge alyndy, dep habarlaıdy QazAqparat oblys ákimdigine silteme jasap.
Belgilengen algorıtmge sáıkes jaýapty qyzmetterdiń belsendi áreketteriniń nátıjesinde aýyrǵan adam statsıonarlyq karantınge oqshaýlanyp, dárigerlerdiń baqylaýyna alynǵan.
Habarlamada naýqaspen baılanysta bolǵan adamdardyń anyqtalyp, olar da karantınge ornalastyrylǵandyǵy jazylǵan.
«Tolyq aqparat saǵat 10.00-de arnaıy brıfıng arqyly jurtshylyqqa jetkiziledi. Tikeleı efırdi «Habar 24» arnasynan kórýlerińizge bolady. Barshańyzdan sabyrlyq tanytýlaryńyzdy suraımyz. Barlyq jaǵdaı baqylaýda», - dep jazylǵan.
Sondaı-aq, vedomstvo áleýmettik jeli men messendjerde jalǵan aqparattyń taralýyna baılanysty turǵyndardy rastalmaǵan habarlamaǵa senbeýge jáne jibermeýge shaqyrady. Ol úshin qylmystyq jaýapkershilik kózdelgen.
Eske sala ketsek, Jambyl oblysynda koronavırýs juqtyrýǵa qatysty jaǵdaı boıynsha, 1979 jylǵy er adam ekeni belgili boldy. Ol óńirge Qyrǵyzstannan kelgen.
