Jambylda koronavırýs juqtyrǵandardyń sany 400-den asty
TARAZ. QazAqparat – Jambyl oblysynda koronavırýstyq ınfektsııany juqtyrǵandardyń sany 405-ke jetti, - dep habarlaıdy QazAqparat oblys ákimdiginiń resmı saıtyna silteme jasap.
Aǵymdaǵy jyldyń 3 maýsymynda Jambyl oblysynda koronavırýsty ınfektsııanyń 7 jaǵdaıy tirkeldi. Bul týraly oblys ákiminiń baspasóz qyzmeti habarlady.
«Atap aıtsaq, oblys ortalyǵynyń 1977, 1996, 1962, 1995 jyldary týǵan tórt turǵynynan ınfektsııa anyqtaldy. Olardyń úsheýi epıdemıologııalyq kórsetkishter boıynsha, bireýi baılanysta bolǵan adamdar arasynan belgili boldy. Taǵy úsh jańa jaǵdaı T.Rysqulov aýdanynyń 1957, 1980, 1992 jyldary týǵan turǵyndary arasynan tirkeldi. Olar buǵan deıin aýyrǵan naýqaspen jaqyn baılanysta bolǵan. Barlyq naýqastar juqpaly aýrýlar statsıonaryna jetkizildi. Al olarmen baılanysta bolǵan tulǵalar karantınge oqshaýlandy. Oshaqtarda qorytyndy dezınfektsııa júrgizildi»,-delingen habarlamada.
Sondaı-aq, aǵymdaǵy jyldyń 3 maýsymdaǵy jaǵdaı boıynsha Jambyl oblysynyń aýmaǵynda koronavırýstyq ınfektsııanyń 405 jaǵdaıy tirkeldi. Al, Іndet juqtyrǵandardyń 209-y saýyǵyp, dárigerlerdiń baqylaýyndaǵy úı karantınine shyǵaryldy.
