Jambylda koronavırýs juqtyrǵan úsh qyrǵyzstandyq óz otanyna jiberildi
TARAZ. QazAqparat – Jambyl oblysynda koronavırýs ınfektsııasy anyqtalǵan úsh qyrǵyzstandyq óz otanyna qaıtaryldy, dep habarlaıdy QazAqparat oblys ákimdigiginiń resmı saıtyna silteme jasap.
«Jambyl oblysynda buǵan deıin koronavırýs indeti anyqtalǵan 1958, 1975, 1984 jyldary týǵan qyrǵyzstandyq úsh azamat óz eline jiberildi. Úsheýi de júk tasymalymen aınalysqan. Olardan indet memlekettik shekarany ótý kezindegi tekseris barysynda anyqtaldy. Arnaıy avtokóliktermen olar shekara mańyndaǵy ótkizý pýnktine jetkizilip, ary qaraı Qyrǵyz Respýblıkasynyń medıtsınalyq qyzmetteri alyp ketti», - delingen aqparatta.
Búgingi tańda Jambyl oblysynda juqpaly aýrýlar statsıonarynda barlyǵy 41 naýqas jatyr. Olardyń jaǵdaıy qanaǵattanarlyq.
Aıta keteıik, oblys boıynsha dárilik zattar, medıtsınalyq jabdyqtar, dezınfektsııalyq jáne jeke qorǵaný quraldary, PTR men test-júıelerin satyp alýǵa jalpy 860 mln teńge bólingen. Onyń 536 mln teńgesi QR Úkimetiniń rezervtik qorynan, 43 mln teńgesi QR Densaýlyq saqtaý mınıstrliginiń epıdemıologııalyq qorynan, 281 mln teńgesi jergilikti bıýdjetten qarastyrylǵan. Qazirgi ýaqytta oblystyq medıtsınalyq mekemelerde satyp alý jáne jetkizý sharalary júrgizilýde.
