Jambylda Kongo-Qyrym qandy bezgeginiń tabıǵı oshaǵy azaıǵan
Bul týraly baspasóz konferentsııasynda Jambyl oblysy ákimdiginiń veterınarııa basqarmasy basshysynyń mindetin atqarýshy Qanatbek Qartabaev atap ótti. Onyń aıtýynsha, oblysta veterınarlyq jaǵdaı birqalypty jáne turaqty baqylaýda.
«Kongo-Qyrym gemorragııalyq bezgeginiń tabıǵı oshaǵynda ornalasqan jekelegen eldi mekenderde 3 jyl kóleminde aýrý tirkelmegendikten jáne aýrý qozdyrǵyshyn tasymaldaýshy kene anyqtalmaýyna baılanysty bıyl osyndaı eldi mekender sany 83-ten 48-ge kemidi. Kenege qarsy jumystardyń kóktemgi eki kezeńi tolyq aıaqtaldy. Nátıjesinde josparǵa sáıkes 48 eldi mekende kólemi 4 743 647 sharshy metr bolatyn 17 917 qora jaı, 502 238 bas mal kenege qarsy 100 paıyz dárilendi»,-dedi Qanatbek Qartabaev.
Qazirgi tańda zalalsyzdandyrý jumystarynyń kúzgi 3 kezeńi atqarylýda. Sondaı-aq, tabıǵı oshaqta 22 mal toǵytpasy jáne 38 dýsh qoldanysqa alynǵan. Qora-jaılardy dezınfektsııalaý jumystary 17 DÝK avtokóligimen júrgizilýde.
