Jambylda qonaqqa kelgen 50 jastaǵy áıel úı ıesiniń aqshasyn urlap ketken
TARAZ. QazAqparat – Jambyl oblysynda qurbysynyń 500 myń teńgesin urlap ketken áıel ustaldy, dep habarlaıdy QazAqparat tilshisi.
Jambyl oblysy Turar Rysqulov aýdanynyń polıtsııa bólimine 58 jastaǵy jergilikti turǵyn habarlasyp, úıinen 500 000 teńgesiniń urlanǵanyn aıtyp shaǵymdanǵan.
Shaǵym boıynsha atalǵan derekke qatysty QR QK 188-babynyń 3-bóligi 3-tarmaǵymen sotqa deıingi tergeý bastaldy. Bul týraly oblystyq polıtsııa departamentiniń baspasóz qyzmeti habarlady.
«Turar Rysqulov APB tergeý bólimshesiniń qyzmetkerleri júrgizgen sapaly tergeý amaldarynyń nátıjesinde jábirlenýshiniń áriptesi ári qurbysy, 50 jastaǵy azamatshanyń atalǵan urlyqty jasaǵany tolyq dáleldendi» delingen habarlamada.
Ol qurbysynyń úıine qonaqqa kelgende aqshanyń qaı bólmede saqtalatynyn kórip, sol sátte oıy buzylǵan. Áńgime barysynda kúdikti qurbysynyń qonaqqa baratynyn estigen.
Sóıtip jábirlenýshi qonaqqa ketkende onyń úıine terezesinen kirip, úı ishindegi zattardy aqtaryp, jábirlenýshiniń 500 000 teńgesin urlap ketken.
Qazirgi tańda qylmystyq is Jambyl oblysy Turar Rysqulov aýdandyq sotyna joldandy.
