Jambylda kómir baǵasynyń kóterilý sebebi anyqtaldy

TARAZ. QazAqparat - Jambyl oblysynyń kómir satýshylary ózara sóz baılasyp, baǵany negizsiz kóterip jibergen, dep habarlaıdy «QazAqparat» HAA Tabıǵı monopolııalardy retteý jáne básekelestikti qorǵaý komıtetiniń oblystyq departamentine silteme jasap.

«Atalmysh vedomstvo óńirdi kómirmen qamtamasyz etetin naryq sýbektilerine qatysty tergeý jumystaryn aıaqtady. Tekseris barysynda baǵa máselesi boıynsha astyrtyn sóz baılasqan monopolıster anyqtaldy»,- deıdi vedomstvo ókili Lázzat Ospanova.

Naryq sýbektilerine qatysty «Ákimshilik quqyqbuzýshylyq týraly» QR kodeksiniń 159-baby 2-bóligi boıynsha ákimshilik is qozǵaldy. Taraz qalasy boıynsha mamandandyrylǵan ákimshilik sottyń qaýlysymen olarǵa 69 myń teńge aıyppul salyndy. Taǵy úsh sýbektiniń isi qaralyp jatyr.

Foto: img-fotki.yandex.ru