Jambylda kólik júrgizý quqyǵynan aıyrylǵan turǵyn mas kúıinde rólge qaıta otyrǵan
TARAZ. QazAqparat – Jambyl oblysynda mas kúıinde kólik júrgizgeni úshin quqyǵynan aıyrylǵan júrgizýshi ishimdik iship alyp, qaıta rólge otyrǵan, dep habarlaıdy QazAqparat tilshisi.
T.Rysqulov aýdanynyń Órnek aýyly kósheleriniń birinde ýchaskelik ınspektory ózine senip tapsyrylǵan ákimshilik ýchaskeni patrýldeý kezinde jol erejesin buzǵan jeńil avtokólikti toqtatty.
Avtokólik rólinde 45 jastaǵy aýdan turǵyny mas bolǵan.
Belgili bolǵandaı, 2020 jyldyń 15 qańtarynda sot sheshimimen ol úsh jylǵa kólik quralyn basqarý quqyǵynan aıyrylǵan eken.
Alaıda, jaýapsyz azamat basqa adamdardyń ómirine qaýip tóndire otyryp, mas kúıinde kólikke qaıta otyrǵan.
«Atalǵan derekke qatysty QR Qylmystyq kodeksiniń 346-baby 1-bóligi boıynsha sotqa deıingi tergeý amaldary bastaldy. Avtokólik qazirgi ýaqytta aıypturaǵyna qoıyldy» delingen oblystyq polıtsııa departamenti baspasóz qyzmetiniń habarlamasynda.
