Jambylda kólik apatynan jeti aıda 90 adam kóz jumdy
TARAZ. QazAqparat – Jambyl oblysynda 7 aıdyń ishinde 687 jol-kólik oqıǵasy tirkelgen. Oqys oqıǵadan 90 adam qaza taýyp, 4000-ǵa jýyǵy ártúrli dene jaraqatyn alǵan, dep habarlaıdy QazAqparat tilshisi.
Óńirde jol-kólik oqıǵalarynyń sany artyp barady. Osy oraıda, mamandar tas joldaǵy kólik apatynyń aldyn alý jáne qaýipsizdik sharalaryn kúsheıtýdi qolǵa alýda eken.
Ótken aptanyń ózinde 8 jazataıym jaǵdaı jolaýshylar jolaǵynda oryn alypty. Sebep júrgizýshiler jyldamdyqty asyra paıdalanyp, jolaýshylarǵa mán bermeı joldan ótýi.
Sondaı-aq, jol apattary respýblıkalyq mańyzy bar Batys Eýropa -Batys Qytaı avtodálizinde túngi ýaqyttarda jıi oryn alady eken.
«Bizdiń oblysta respýblıkalyq jańa tas joly jaqsy salynǵan. Sony bizdiń júrgizýshiler barynsha paıdalanyp, jyldamdyqty asyra kóteredi. Sondyqtan jol-kólik oqıǵalarynyń kóbi túngi ýaqytta, júrgizýshilerdiń qalǵyp ketýinen oryn alady. Sondaı-aq, bizde kólik apaty Taraz qalasynda jıi oryn alady»,- deıdi oblystyq polıtsııa departamenti jergilikti polıtsııa basqarmasynyń basshysy Samat Qusaıynov.
Mamandar atalmysh avtodálizde júrgizýshilerdiń qalǵyp ketýin jol-kólik oqıǵalarynyń biri retinde baǵalap, bul magıstralǵa demalatyn oryndar ashýdy kerektigin kózdep otyr.
