Jambylda kisi óltirgen qylmysker 7 jyldan soń Qyrǵyzstanda ustaldy
TARAZ. QazAqparat – Jambyl oblysynyń polıtseıler jeti jyl boıy halyqaralyq izdeýde bolǵan qylmyskerdi Qyrǵyzstanda ustady, dep habarlaıdy QazAqparat tilshisi.
4 qarashada Jambyl oblysynyń polıtsııa departamenti qyzmetkerleri Qyrǵyz Respýblıkasy Іshki ister basqarmasy qyzmetkerlerimen birlesip, 33 jastaǵy qylmyskerdi qolǵa túsirdi. Ol 2013 jyldan beri adam óltirgeni úshin halyqaralyq izdeýde bolǵan. Bul týraly Jambyl oblystyq polıtsııa departamentiniń baspasóz qyzmeti habarlady.
«Qylmysker 2013 jyly 21 maýsym kúni, túngi saǵat 01.00 shamasynda Merki aýdanynda oryn alǵan janjaldan keıin, qarsylasyna qarý qoldanyp, oq atqan. Aýyr jaraqat alǵan 40 jastaǵy er adam oqıǵa ornynda qaza tapqan. Qazirgi ýaqytta qylmysker Qyrǵyz Respýblıkasynyń Shý oblysy boıynsha ishki ister basqarmasynyń ýaqytsha ustaý ızolıatoryna qamaldy. Ony Jambyl oblysyna ekstradıtsııalaý máselesi sheshilýde», - delingen vedomstvo habarlamasynda.
Aıta ketý kerek, jyl basynan beri Jambyl oblysynyń PD krımınaldyq polıtsııasynyń qyzmetkerleri TMD elderiniń quqyq qorǵaý organdarynyń izdeýinde júrgen 19 qylmyskerdi anyqtap, ustaǵan.
