Jambylda qarý jasyrylǵan úsh iri oryn anyqtaldy

ASTANA. QazAqparat – Jambyl oblysy polıtsııa departamentiniń qyzmetkerleri kún saıyn Qańtar oqıǵalary kezinde urlanǵan qarý-jaraq pen oq-dárilerdi izdeýge qatysty úzdiksiz jumys júrgizip jatyr. Máselen, kezekshi táýlikte qarý jasyrylǵan úsh iri oryn anyqtaldy, dep habarlaıdy QazAqparat Polisia.kz-ke silteme jasap.

«Tekturmas» etnotarıhı kesheniniń aýmaǵynda jedel aqparatty iske asyrý barysynda PD UQQІQB jáne EQQІB qyzmetkerleri ashyq alańnan qarý-jaraq pen oq-dáriler salynǵan polıpropılen qapshyqtardy tapty. Qapshyqtardan qańtar oqıǵalary kezinde PD ǵımaratynan urlanǵan 9 mm kalıbrli pýlemet- tapansha, 20 mm kalıbrli TOZ-120 bir uńǵyly tegis oqpandy ańshy myltyǵy, TOZ-63 16 kalıbrli eki uńǵyly ańshy myltyǵynyń eki birligi, 4,5 mm kalıbrli MR-654 pnevmatıkalyq tapanshasy, IJ-79 gaz tapanshasy, RGD-5 qol granatasy, AK-47 avtomatynyń oqjatary, túrli kalıbrli 87 patron jáne arnaıy quraldar tabylyp, tárkilendi.
Sondaı-aq Taraz qalasynyń PB-2 polıtsııa bóliminiń qyzmetkerleri jedel-izdestirý is-sharalaryn júrgizý barysynda oblys ortalyǵyndaǵy kóshelerdiń birindegi qoqys arasyna jasyrylǵan 16 kalıbrli IJ-ZK myltyǵyn, TT LIDER travmatıkalyq tapanshasyn, túrli kalıbrli 23 oq-dári, AKSÝ avtomatynyń oqtamasyn, polıtseı kaskasyn, oq ótpeıtin jılet, rezeńke taıaqsha jáne polıtseı qalqany tabylyp, tárkilendi.
Qazir osy derekterge qatysty QR QK-niń 287-babynyń 3-bóligi (Qarýdy, oq-dárilerdi zańsyz ıelený, daıyndaý, berý, saqtaý) boıynsha sotqa deıingi tergep-tekserý jumystary júrgizilip jatyr. Tıisti saraptamalar kesheni taǵaıyndaldy.