Jambylda qaraquıryq atqandar ustaldy
TARAZ. QazAqparat – Jambyldyq polıtseıler Qyzyl kitapqa engizilgen janýarlardy aýlaǵan brakonerlerdi ustady,-dep habarlaıdy QazAqparat.
Aǵymdaǵy jyldyń 6 qazany kúni túnde Baızaq aýdanynyń tórt turǵyny «Nartaı» qumdy alqabynda Qyzyl kitapqa engizilgen janýarlar túri – qaraquıryqtardy zańsyz atqan.
Brakonerlerdiń «Toıota» markaly avtokóliginen polıtsııa qyzmetkerleri janýarlardyń tutas etin tapty.
«Eki qaraquıryq tirkelgen qos uńǵyly ańshy myltyǵynan óltirilgen, alaıda ańshylardyń ań aýlaýǵa ruqsat etilgen qujattary bolmaǵan. Atalǵan derekke qatysty Baızaq aýdandyq polıtsııa bólimimen Qylmystyq kodekstiń 337-baby, 1-bólimi, ıaǵnı janýarlardy jappaı qyryp-joıatyn ózge de quraldardy qoldana otyryp zańsyz ań aýlaý áreketi boıynsha sotqa deıingi tergep-tekserý amaldary bastaldy»,-deıdi oblystyq polıtsııa departamentiniń basshysy Arman Orazalıev.
Ustalǵan kúdiktilerden ańshy myltyǵy tárkilengen.
