Jambylda qańtar oqıǵasy kezinde joǵalǵan qarý-jaraqtar tabyldy
Jambyl oblysynyń polıtseıleri qańtar aıynyń 27-29 kúnderi aralyǵynda taǵy da jasyryn qarý-jaraq oryndaryn anyqtaldy. Taraz qalasy 2-PB polıtsııa mamandary men QAJD mekemesiniń qyzmetkerleri birlesip júrgizgen izdestirý jumystary nátıjesinde qaladaǵy órtenip ketken eski garajdardyń birinen qapqa oralǵan qarýlar men oq-dáriler tabyldy.
Atalǵan orynnan tirkelgen jáne krımınaldy qarý esebinde joq kalıbri 16 mm bir aýyzdy tegis uńǵyly IJ-3K ańshy myltyǵy, qańtar oqıǵasy kezinde PD ǵımaratynan urlanǵan kalıbri 9 mm Makarov tapanshasy, dybysty granata, kalıbri 9 mm 151 dana oq-dári alyndy.
Sondaı-aq, Jýaly aýdandyq polıtsııa qyzmetkerlerimen jedel-izdestirý sharalaryn júrgizý barysynda B.Momyshuly aýylynda ornalasqan eski bos ǵımarat ishinen qapshyqqa salynyp, jasyrylǵan qarýlar tabyldy. Qapshyqtan tegis uńǵyly 16-kalıbrli qos aýyzdy TOZ nómeri óshirilgen sholaq myltyq jáne 5,45-kalıbrli 15 dana oq-dári tabyldy.
Barlyq qarýlarǵa sot-ballıstıkalyq saraptama taǵaıyndaldy. Qazirgi ýaqytta atalǵan derekterge qatysty QR QK-niń 287-baby 2 jáne 3-bóligimen (Qarýdy, oq-dárilerdi zańsyz ıemdený, jasaý, berý, saqtaý) sotqa deıingi tergeý amaldary júrgizilip jatyr.
