Jambylda qańtar qyrǵynynda urlanǵan avtomat pen basqa da qarý-jaraq qoqystan tabyldy

TARAZ. QazAqparat - Polıtsııa qyzmetkerleri jappaı tártipsizdik kezinde urlanǵan qarýlardy izdeý barysynda 5 qarý, 2 «RGD» granatasy jáne ártúrli kalıbrli 200-den astam patron tapty, dep habarlaıdy QazAqparat.

Tárkilengen qarýdyń ishinde 1 Kalashnıkov avtomaty, 2 «TOZ-8» myltyǵy, 2 ańshy myltyǵy bar.

Sondaı-aq, polıtsııa qyzmetkerleri Taraz qalasyndaǵy qoqys jáshikteriniń biriniń janynan bıylǵy qańtarda Jambyl oblysy polıtsııa departamentiniń ǵımaratynan urlanǵan «AQSÝ74» avtomaty men sıgnaldyq zymyran salynǵan qap taýyp aldy.

Tabylǵan búkil qarýǵa sot-ballıstıkalyq saraptama taǵaıyndaldy.

Jambyl oblysynyń polıtsııa departamenti qarýdyń, oq-dárilerdiń, arnaıy quraldardyń ornalasqan jerin habarlaǵan nemese ony polıtsııaǵa óz erkimen tapsyrǵan adam basqa quqyq buzýshylyqtarǵa qatysy bolmasa, qylmystyq jáne ákimshilik jaýapkershilikke tartylmaıtynyn eske salady. Anonım qalatynyna kepildik beriledi.