Jambylda qandaı elektrondyq memlekettik qyzmetter kórsetiledi

TARAZ. QazAqparat - Elektrondyq úkimet jáne memlekettik qyzmetterdi onlaın rejimde alýǵa kóshýdiń tıimdiligi jaıynda «Azamattarǵa arnalǵan úkimet» Memlekettik korporatsısynyń Jambyl oblysyndaǵy fılıalynyń dırektory Danııar Medetbekov aıtyp berdi, dep habarlaıdy QazAqparat tilshisi.

«100 naqty qadam» - Ult jospary  aıasynda «Azamattarǵa arnalǵan úkimet» Memlekettik korporatsııasy quryldy. Ol  memlekettik 621 qyzmet túrin kórsetedi, ondaǵy 452 qyzmet elektrondyq formatta júzege asady. Jambyldaǵy fılıal alǵashqy jartyjyldyqtyń ishinde 900 myń memlekettik qyzmetti kórsetip úlgerdi, ondaǵy 450 myń qyzmet elektrondyq formatta oryndaldy. Áleýmettik qamsyzdandyrý boıynsha 35 myń memlekettik qyzmet kórsetildi»,-deıdi D. Medetbekov.

Danııar Medetbekovtiń aıtýynsha, Jambyl oblysy boıynsha halyqqa qyzmet kórsetý ortalyqtarynda elektrondyq bılik portalyn úıde nemese jumysta qoldana almaıtyn azamattar úshin bar jaǵdaı jasalýda.

«Árbir front-keńselerde «Connection point» ózine-ózi qyzmet kórsetý sektory jumys jasaıdy. Memkorporatsııa mamandary túsindirý jumystaryn ótkizip, elektrondyq úkimet portaly arqyly qyzmet alýdyń amaldaryn kórsetedi. Olar jyldyń basynan beri óńirdiń 480 mekemesi men uıymyna baryp, 87 myń adamǵa qyzmet kórsetken. Osyndaı 19 sektor jumys jasaıdy. Jarty jyldyń ishinde jambyldyqtarǵa 330 myń qyzmet kórsetilgen», - dedi spıker.

Sondaı-aq, D. Medetbekov jańa qyzmetter men synamaly jobalar týraly sóz qozǵady.

«Azamattarǵa arnalǵan úkimet» «UAT» AQ-men birlesip balanyń dúnıege kelýine qatysty qyzmet kórsetý boıynsha synamaly jobany usyndy. Endi dúnıege kelgen sábılerdi tirkeý úshin ótinish avtomatty túrde túsetin bolady. Barlyq maǵlumattar ártúrli memleketitk organdardyń aqparattyq júıelerinen túsetin bolady. Málimetter jetpeı jatqan jaǵdaıda qyzmet alýshy adamnan SMS-habarlama arqyly suratylady», - dedi D. Medetbekov.

Sondaı-aq, jaqynda elektrondyq úkimet portalynda «Anyqtamasyz qyzmetter»  bólimi óz jumysyn bastaǵan edi.

«Endi azamattarǵa memlekettik organdarǵa mekenjaı men jyljymaıtyn múlikke quqyǵy jóninde tirkelgen anyqtama ákelýdiń qajeti joq. Memlekettik organdar qajet maǵlumattardy elektrondyq úkimet portaly arqyly suratatyn bolady. Sondaı-aq, mekenjaı boıynsha onlaın-tirkeý tártibi ózgerdi. Endi tirkelý úshin nebári 20 mınýt qajet», - dedi D. Medetbekov.