Jambylda «KamAZ-ǵa» soǵylǵan eki avtobýsta 50-ge jýyq jolaýshy bolǵan
TARAZ. QazAqparat – Jambyl oblysynda «KamAZ» júk kóligi, bir jeńil avtokólik, jáne eki avtobýs bir-birine soqtyǵysty, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Іri jol apaty 8 jeltoqsanynda saǵat 22.00 shamasynda «Batys Eýropa-Batys Qytaı» respýblıkalyq mańyzy bar tas jolynyń 239 shaqyrymynda bolǵan. Almatydan Tarazǵa bet alǵan «Honda Odısseı» markaly avtokólik kenetten basty jolǵa shyǵyp ketken bir baǵyttaǵy «KamAz» júk kóligine kelip soǵylǵan. Sol mezette jolda toqtap turǵan atalmysh júk kóligin osy baǵytta kele jatqan eki jolaýshylar avtobýsy kelip soqqan.
«Oqıǵa ornyna jedel jetken patrýldik polıtsııa qyzmetkerleri jol qaýipsizdigin qamtamasyz etý boıynsha sharalar qabyldap, tez arada jolaýshylardyń barlyǵyn ótip bara jatqan kólikterge salyp jibergen.
Avtobýstyń birinde 26, ekinshisinde 20 adam bolǵan. Tórt adam jeńil jaraqatpen Qordaı aýdandyq aýrýhanasyna qaralyp, úılerine qaıtarylǵan», - delingen vedomstvo habarlamasynda.
Qazirgi tańda jol-kólik oqıǵasy boıynsha Ákimshilik quqyq buzýshylyq týraly kodekstiń 612-baby 2-bólimi boıynsha ákimshilik hattama toltyrylyp, birqatar saraptama taǵaıyndaldy.
