Jambylda qalyń tuman kezinde 14 avtokólik bir-birine soqtyǵysqan
TARAZ. QazAqparat – Jambyl oblysynda bir baǵytta bara jatqan 14 kólik bir-birine soǵyldy, dep habarlaıdy QazAqparat tilshisi.
Atalǵan jol apaty Baızaq aýdany Aqsholaq aýyly mańynda «Batys Eýropa - Batys Qytaı» jolynyń 472 shaqyrymynda bolǵan. Oǵan qalyń tuman, kóktaıǵaq sebep bolǵan.
«JKO saldarynan jeńil jaraqat alǵan 2 adam aýrýhanaǵa qaraldy. Oqıǵa ornynda patrýldik polıtsııa qyzmetkerleri jol qaýipsizdigin qamtamasyz etti. Qazirgi ýaqytta kólik qozǵalysyna kedergi joq», - dedi oblystyq polıtsııa departamentiniń basshysy Arman Orazalıev.
Osyǵan oraı, departament ókilderi júrgizýshilerge jol erejesin qatań saqtaýdy, jolda asa saq bolýdy eskertedi.
«Jambyl oblysy Polıtsııa departamenti «QazAvtoJol» kompanııasyna jol-kólik oqıǵalarynyń aldyn alý maqsatynda qysta oblys joldarynda kedergilerdi boldyrmaý jóninde uıǵarym jibergen bolatyn. Atalǵan kompanııa «Batys Eýropa-Batys Qytaı» respýblıkalyq mańyzy bar tas jolynyń Jambyl oblysy aýmaǵynan ótetin 450 shaqyrym jol jaǵdaıyna jaýapty», - delingen vedomstvo habarlamasynda.
