Jambylda izdeýde júrgen 4 adam ustalyp, 20 qylmys deregi ashyldy
TARAZ. QazAqparat – Jambyl oblysy aýmaǵynda «Quqyqtyq tártip» respýblıkalyq jedel-aldyn alý is-sharasy ótkizildi, - dep habarlaıdy QazAqparat tilshisi.
«Quqyqtyq tártip» jedel-aldyn alý is-sharasyn ótkizýdiń 3 kúni ishinde oblys boıynsha izdeýde júrgen tórt adam ustaldy, buryn jasalǵan 20 qylmys deregi ashyldy. Sondaı-aq, tyıym salynǵan zattardy zańsyz alyp júrýdiń jáne saqtaýdyń segiz deregi anyqtalǵan. Bul týraly oblystyq polıtsııa departamentiniń baspasóz qyzmeti habarlady.
Atap aıtsaq, shara barysynda tegis uńǵyly atys qarýyn zańsyz saqtaýdyń eki deregi, jalpy salmaǵy 2,5 keli esirtki zattaryn saqtaýdyń 4 deregi, jarylǵysh zattar men oq-dárilerdi alyp júrýdiń 1 deregi jáne sýyq qarýdy alyp júrýdiń 1 deregi belgili bolǵan.
«Nóldik tózimdilik» tártibinde 1 921 ákimshilik quqyq buzýshylyq anyqtalsa, onyń 48-i otbasy-turmystyq qatynastar salasyndaǵy quqyqqa qaıshy áreketter. Budan basqa, usaq buzaqylyq úshin – 211 adam, spırttik ishimdikter ishkeni nemese qoǵamdyq oryndarda mas kúıinde bolǵany úshin 210 adam ákimshilik jaýapkershilikke tartyldy, 92 adam TsVAıD-ǵa ornalastyryldy jáne 19 adam qabyldaý-taratý ornyna qamaldy. Sondaı-aq, jolda qarsy jolaqqa shyǵýdyń 5, qaýipsizdik beldigin taqpaı kólik quralyn basqarýdyń 263, jaıaý júrginshilerge jolda artyqshylyq bermeýdiń 74, jaıaý júrginshilerdiń júrý qaǵıdalaryn buzýdyń 342 deregi anyqtaldy»,-delingen vedomstvo habarlamasynda.
