Jambylda iri aýylsharýashylyq kompanııasynyń ıesine jalaqy qaryzy úshin aıyppul salyndy
«Ótken jyly memlekettik eńbek ınspektorlary prokýratýramen birlesip, 14 kásiporynda jalpy somasy 852 mln teńgeni quraıtyn eńbekaqy bereshegin anyqtady. Qabyldanǵan sharalardyń nátıjesinde qaryz tolyq óteldi, 3430 qyzmetkerdiń quqyǵy qorǵaldy», – deıdi Jambyl oblysy ákimdiginiń eńbek ınspektsııasy jónindegi basqarmasynyń basshysy Jarylqasyn Aıtaqov.
Onyń aıtýynsha, oblystaǵy birneshe kásiporyndarda jalaqy boıynsha qaryzdar áli de bar.
«Altaıs grýpp» JShS kompanııalar tobynyń úsh kásipornynda 279 qyzmetkerge 55,9 mln teńge bereshegi bar. «TarazQurylysInvest» JShS - 2022 jylǵy jeltoqsan men 2023 jylǵy qańtar aralyǵynda 148 qyzmetkerge 41,3 mln teńge qaryz, «Aııa-Servıs» JShS - 11,5 mln teńgege 92 qyzmetker aldynda jáne «KATЅA» seriktestigi - 2023 jylǵy qańtarda 3,1 mln teńgege 39 qyzmetker aldynda qaryz».
«Altaıs grýpp» JShS jumysshylarynyń eńbekaqysyn tóleý máselesi 2022 jyly úshjaqty komıssııa men daǵdarysqa qarsy shtab otyrystarynda birneshe ret qaralǵanymen, bul kásiporynda jalaqy boıynsha bereshek azaımaı otyr.
Qazaqstan Respýblıkasy Qylmystyq kodeksiniń 152-babyna sáıkes basqarýshylyq fýnktsııalardy oryndaıtyn adamnyń ózge maqsattarǵa aqsha paıdalanýyna baılanysty jalaqyny tóleýdi tolyq kólemde jáne belgilengen merzimde birneshe ret keshiktirý boıynsha qylmystyq jaýapkershilik kózdelgen.
«Eger bul másele sheshilmese, prokýratýraǵa shara qoldaný týraly usynys túsedi», - dedi Jarylqasyn Aıtaqov.
Ótken jyldyń jeltoqsan aıynda «Merki asyl tuqymdy mal zaýyty» AQ-da seriktestik qyzmetkerleriniń ujymdyq ótinishin qaraý barysynda jospardan tys tekserý júrgizildi. 2022 jyldyń qyrkúıek-qarasha aılarynda 109 qyzmetkerge 20,3 mln teńge jalaqy bereshegi anyqtaldy.
«Merki asyl tuqymdy zaýyty» AQ prezıdenti A. Ahmetovke 103 500 teńge kóleminde aıyppul salyndy jáne mindetti túrde oryndalýǵa jatatyn AQ qyzmetkerlerine jalaqy boıynsha bereshekti tolyq kólemde tóleýge nusqama berildi. Alaıda AQ tarapynan resmı aqparat túsken joq. Sot organdaryna talap aryz beriledi», - dedi spıker.
«Búgingi tańda bes kásiporyn problemalardy turaqtandyrýǵa baılanysty osy tizimnen shyǵaryldy – «Qarataý APK», «NDFZ» tyńaıtqyshtar zaýyty», «Qazfosfat» JShS jáne «Tarazenergotsentr» AQ fılıaldary» , – dep atap ótti Jambyl oblysy ákimdiginiń eńbek ınspektsııasy basqarmasynyń basshysy Jarylqasyn Aıtaqov.