Jambylda ınfektsııalyq statsıonarlarda 300-den astam syrqat emdelýde
Qazirgi tańda Jambyl oblysyna kórshi aımaqtarda koronavırýstyq ınfektsııanyń taralýyna qatysty jaǵdaı qıyndap barady. Almaty qyzyl aımaqqa endi. Sondyqtan jıynda oblys ákimi shekaralas aımaqtardaǵy sanıtarlyq-epıdemıologııalyq jumystardy kúsheıtýdi tapsyrdy.
Densaýlyq saqtaý basqarmasynyń basshysy Áset Qalıevtiń aıtýynsha, juqpaly aýrýlar aýrýhanasynda 313 adam emdelýde. Sonyń ishinde 26-sy jansaqtaý bóliminde, ekeýi aýyr jaǵdaıda. Eki aılyq dári-dármek qory bar, al jedel járdem qyzmetine júkteme aıtarlyqtaı kóp emes. 7,7 myń jambyldyqqa vaktsına egildi, sáýirde taǵy 20 myń doza vaktsına jetkiziledi. Turǵyndar arasynda ekpe alý qajettiligi týraly úgit-nasıhat jumystary jalǵasýda.
Ázirge jaǵdaı baqylaýda, biraq bul jaıbaraqattyqqa sebep bolmaıdy. Mobıldik toptarmen 348 ret reıd júrgizip, 391 aıyppul salyndy. Sanıtarlyq-epıdemıologııalyq talaptardy buzǵany úshin úsh meıramhana jabyldy, taǵy alty oıyn-saýyq mekemesiniń isi sotta qaralýda.
«Vırýstyń ınfektsııalyq jáne arty ólimge soqtyratyn jańa shtamdary paıda boldy. Negizinde biz koronavırýstyń úshinshi tolqynyn ótkizip jatyrmyz. Tyıym salynǵanyna qaramastan, toı ótkizý tyıylmaı tur. Jabylǵan meıramhanalar qaıta tirkelip, qaıta ashylýda. Aýrý balalar sany artyp keledi. Bilim berý, densaýlyq saqtaý jáne sanıtarlyq-epıdemıologııalyq qyzmet uıymdary birlesip jumys isteýi kerek, sonyń ishinde adamdarǵa vaktsınatsııanyń mańyzdylyǵyn túsindirý qajet. Ekpeniń kómegimen ǵana biz ınfektsııany jeńe alamyz», – dedi oblys ákimi Berdibek Saparbaev.
