Jambylda ınfektsııalyq statsıonarlar 61 paıyzǵa toly
TARAZ. QazAqparat – Jambyl oblysy aýmaǵynda aǵymdaǵy jyldyń 4 tamyzyndaǵy jaǵdaı boıynsha jalpy COVID-19 vırýsyn juqtyrýdyń 13 349 jaǵdaıy tirkeldi desek, 100 myń turǵynǵa shaqqanda aýrýshańdyq kórsetkishi 1172,4 qurady,-dep habarlaıdy QazAqparat tilshisi.
Al pnevmonııanyń 6018 jaǵdaıy tirkelgen. Bul týraly oblys ákimdigi densaýlyq saqtaý basqarmasynyń basshysy Áset Qalıev óńirlik kommýnıkatsıalar qyzmetinde ótken brıfıng barysynda aıtyp berdi.
Ótken táýlikte óńirde KVI-dyń 181 jaǵdaıy, pnevmonııanyń 17 jaǵdaıy tirkeldi. Aǵymdaǵy jyldyń 4 tamyzy saǵat 07:00-degi aqparat boıynsha ınfektsııalyq statsıonarlarda 2 133 naýqas jatyr desek, tósek oryndar 61%-ǵa toltyrylǵan. Reanımatsııalyq tósek oryndarda 176 naýqas em alýda, mundaǵy tósek oryndar 52%-ǵa toltyrylǵan. Karantındik statsıonarlarǵa 66 tulǵa ornalastyrylǵan.
«Emdeý aldyn alý uıymdarynda koronavırýsty emdeýge qajetti dári – dármekterdiń 2 aılyq qory qalyptasqan. Infektsııalyq statsıonarlardaǵy naýqastardyń densaýlyq jaǵdaıy turaqty baqylaýda.
Jalpy oblys boıynsha 18 jastan joǵary 582 000 adamdy koronavırýs ınfektsııasyna qarsy vaktsınalaý josparlanýda, qazirgi tańda, 292 088 tulǵa ekpe alyp, kórsetkish 50,2 paıyzdy qurady. Jalpy oblys aýmaǵynda 23 MSAK uıydarynda 43 egý pýnktteri bar, olardyń 15 qalada, 28 aýdandarda ornalasqan», - dedi basqarma basshysy.
Osy jyldyń 1 aqpanynan bastap oblysqa 16 990 doza QazCovid-in – Otandyq vaktsına (8 495 adamǵa), 301 700 doza Spýtnık V vaktsınasynyń 1 komponenti jáne 232 400 doza 2 komponenti, 60 000 doza (30 000 adamǵa) Haıat Vaks vaktsınasy, 34 000 doza (17 000 adamǵa) KoronaVak vaktsınasy jetkizilgen.
«Búgingi kúnge qazaqstandyq vaktsınanyń 2868, Spýtnık V 1 komponentiniń 62 150, 2 komponentiniń 68 831 dozasy qaldy, KoronaVaktyń 2 týrynyń – 1 917 dozasy qaldy. Jalpy koronavırýs ınfektsııasyna qarsy vaktsınalaý jumystary júrgizilýde jáne atqarylyp jatqan is-sharalar turaqty baqylaýda»,-deıdi Á. Qalıev.
