Jambylda ıgerilmegen 379 myń gektar jaıylym jer memleket menshigine qaıtaryldy
«Oblysta jaıylym jer máselesi 2021 jyldan beri qolǵa alynyp, 5 baǵytta jumystar júrgizilýde. 683,6 myń gektar jetispeıtin jaıylym jerler anyqtalǵan bolatyn. Máselen, bosalqy jer qoryndaǵy jáne qaıtarylǵan jaıylymdy eldi mekenderge bekitý arqyly 363 myń gektardan 741 myń gektarǵa ulǵaıttyq. Eldi mekennen 5 shaqyrymdyq radıýsta ornalasqan 49,2 myń gektar jaıylym jer eldi mekenderge bekitildi. Orman qorynyń 1 mln 80 myń gektar jerine mal basy kóp turǵyndardyń 245 myń maly shyǵaryldy», - dep málim etti Nurjan Nurjigitov OKQ-de ótken brıfıngide.
Ákim usynǵan derekke saı, bıyl jyl sońyna deıin 200 myń gektar ıgerilmegen jerlerdi qaıtarý josparlanǵan.
«Sharýa qojalyqtarynyń jerlerine kedergisiz mal jaıýǵa 510 myń gektarǵa memorandým jasalyp, ıgerilmegen 379 myń gektar jaıylym jer memleket menshigine qaıtaryldy. Nátıjesinde, jetispeıtin jaıylym jerlerdiń kólemi 683,6 myń gektardan 164 myń gektarǵa qysqardy», - dedi Nurjan Nurjigitov.
