Jambylda gaz quıý stantsııasy aýmaǵynda órt boldy
JAMBYL OBLYSY. QazAqparat – Merke aýdanyndaǵy «Kazgaztreıd» JShS gaz quıý stantsııasy aýmaǵynda órt boldy, dep habarlaıdy QazAqparat TJK silteme jasap.
«5 qańtar kúni saǵat 19:26 Merke aýdanyndaǵy Aqtoǵan aýylynan 3 shaqyrym jerdegi «Kazgaztreıd» JShS gaz quıý stantsııa aýmaǵynan órt shyqty. Avtotsısternadan shyqqan gazdan órt tutanǵan. Shyqqan jalyn operatorlyq ǵımarat pen onyń qasynda japsarlas ornalasqan dúkenderdi sharpyǵan. Órt saǵat 19:56 aýyzdyqtalyp, saǵat 20:33-de tolyq sóndirildi. Jalpy aýdany 70 sharshy metr aýmaq órtengen. Órtten eshkim zardap shekpegen» - delingen komıtet habarlamasynda.
Aldyn ala málimet boıynsha, órt qaýipsizdikti saqtamaý saldarynan bolǵan. Oqıǵanyń basqa da sebepteri anyqtalyp jatyr.
