Jambylda eki kúnde 25 qylmys ashyldy
TARAZ. QazAqparat – Jambyl oblysynda eki kún ishinde 25 qylmystyń beti ashyldy,dep habarlaıdy QazAqparat.
QR ІІM nusqaýyna jáne oblystyq polıtsııa departamentiniń buıryǵyna sáıkes 26-28 tamyz aralyǵynda Jambyl oblysy aýmaǵynda «Quqyqtyq tártip» Respýblıkalyq jedel-aldyn alý is-sharasy ótti. Onyń negizgi mindetteri quqyqtyq tártipti saqtaý, kósheler men qoǵamdyq oryndarda qylmystyń aldyn alý jáne jolyn kesý bolyp tabylady. Bul týraly atalmysh departamenttiń baspasóz qyzmeti málimdedi.
«Profılaktıkalyq is-sharaǵa 1000-ǵa jýyq ІІO qyzmetkerleri men áskerı qyzmetshiler, 30-dan astam jurtshylyq ókilderi tartyldy jáne 198 birlik avtokólik jumyldyryldy.
Eki kún ishinde 37 qylmys tirkelip, onyń 25-i ashyldy. Oblys ortalyǵynda tirkelgen 23 qylmystyń 14-i ashyldy. Jedel-izdestirý sharalary barysynda izdeýde júrgen eki adam ustaldy. Taraz qalasy ІІB jáne Merki PB-niń polıtsııa qyzmetkerleri marıhýana men geroınniń zańsyz aınalymynyń eki faktisin, Taraz qalasy ІІB - niń 1 - PB-ne oq-dárimen atylatyn qarýdy alyp júrý faktisin jáne T. Rysqulov PB-ne oq-dárini saqtaýdyń bir faktisin anyqtady»,-delingen vedomstvo habarlamasynda.
Sonymen qatar, 1285 túrli ákimshilik quqyq buzýshylyq tirkelgen.
Nátıjesinde qabyldaý-taratý ornyna 6 adam, JOND - 50 adam qamaldy. Sonymen qatar, 215 páter jáne profılaktıkalyq esepte turǵan 1111 esepte turǵan, onyń 374 shartty túrde merziminen buryn bosatylǵan adamdar tekserildi.
