Jambylda eki aıda 120-dan astam páter urlyǵy tirkelgen
TARAZ. QazAqparat – Jambyl oblystyq Polıtsııa departamentiniń bastyǵy, polıtsııa general-maıory J.Súleımenovtiń buıryǵymen oblys aýmaǵynda «Páter» jedel-aldyn alý is-sharasy ótkizilýde, dep habarlaıdy QazAqparat.
Atalǵan is-sharanyń negizgi maqsaty – páter urlyǵyn ashýdaǵy tıimdilikti arttyrý, qylmystardyń aldyn alý, eskertý, jolyn kesý, atalǵan qylmystarǵa qatysy bar tulǵalardy anyqtaý bolyp tabylady.
Jedel jaǵdaıdy taldaý negizinde páter urlyǵyna asa beıim aýdandar anyqtalyp, krımınaldyq polıtsııa jáne jergilikti polıtsııa qyzmetkerleri qatarynan jedel toptar quryldy. Bul týraly polıtsııa departamentiniń baspasóz qyzmeti habarlady.
«Іs-shara barysynda 12 páter urlyǵy ashyldy. Jambyl oblysynda 2020 jyldyń eki aıynda 123 páter urlyǵy tirkelgen. Bul 2019 jyly 200-ge qaraǵanda, 77 faktige az. Jalpy alǵanda -38,5 paıyzǵa tómendegen»,-delingen vedomtsvo habarlamasynda.
Jambyl oblysy Polıtsııa departamenti turǵyndarǵa óz múlikterine asa saq bolýdy, turǵyn úılerine qatysty qaýipsizdik sharalarymen qamtamasyz etýdi eskertedi.
