Jambylda bos turǵan 47 kópqabatty úı qaıta jańǵyrtylýda
TARAZ. QazAqparat - Jambyl oblysy boıynsha bos turǵan 47 kópqabatty turǵyn úı anyqtaldy. 2018 jyly 9 úıde qaıta jańǵyrtý jumystary júrgizilip, 695 páter paıdalanýǵa berilgen, dep habarlaıdy QazAqparat.
Atap aıtsaq, ótken jyly Talas aýdany, Qarataý qalasynda 440 páterli 6 úı, Sarysý aýdany, Jańatas qalasynda 180 páterli 2 úı, Shý aýdany, Shý qalasynda 75 páterli bir úı qaıta jańǵyrtylyp, turǵyndar ıgiligine berilgen. Al, qalǵan 38 úıdiń 31-ine nemese 3153 páterdi qaıta jańǵyrtý 2019-2022 jyl aralyǵyna josparlanyp otyr.
Naqtyraq toqtalsaq, aǵymdaǵy jyly 5 úıdi nemese 345 páterdi qaıta jańǵyrtýdan ótkizý kózdelgen. Al 2020 jyly 15 úı nemese 1285 páter paıdalanýǵa beriledi dep josparlansa, 2021 jyly 1523 páterli 11 úı qaıta jańǵyrtylmaq.
Sondaı-aq, Jańatas qalasy men Qordaı aýylynda 7 úı nemese 594 páter jeke menshikten kommýnaldyq menshikke qaıtarylady. Ony qaıta jańǵyrtý jumystary 2025 jylǵa deıin tolyq aıaqtalady. Sebebi, jeke menshiktegi úılerdi kommýnaldyq menshikke qaıtarý tártibi uzaq merzimdi qajet etetindikten, olardy qaıta jańǵyrtý jumystaryn 2022 jyldan keıin iske asyrý josparlanǵan.
