Jambylda boryshkerlerden bir kúnde 5 mln teńgeden astam aıyppul óndirildi
TARAZ. QazAqparat - Jambyl oblysynda «Boryshker» jedel-profılaktıkalyq is-sharasy aıasynda bir kúnde 5 mıllıon teńgeden astam aıyppul óndirildi, dep habarlaıdy QazAqparat.
Bul týraly oblystyq polıtsııa departamentiniń baspasóz qyzmeti málimdedi. Jalpy úsh kúndik "Boryshker" jedel-profılaktıkalyq is-sharasyn jol jáne kóshi-qon polıtsııasy ákimdik qyzmetkerlerimen birlesip uıymdastyrýda.
«Shara barysyndaǵy bir kúnde 5 mıllıon teńgeden astam aıyppul óndirilip alynǵan. Polıtsııa qyzmetkerleri úı-úıdi aralap, barlyǵy 309 boryshkerdi qamtyǵan. Al, arnaıy mamandandyrylǵan turaqqa 83 boryshkerdiń kólik quraldary toǵytyldy»,- deıdi PD-niń baspasóz qyzmetiniń jetekshisi Gúlsara Muhtarqulova.
Aıta keteıik, atalmysh is-shara quqyq buzýshylarǵa salynǵan aıyppuldy tıisinshe óndirip alý jáne aıyppuldy ýaqytynda óteý qajettiligi týraly halyqty barynsha habardar etý maqsatyna negizdelgen.
